Yangiliklar

XIV asrga oid ushbu zanjirli belbog‘ Oltin O‘rda davridagi Markaziy Osiyo va Kaspiy dashtlari hududida taraqqiy etgan yuksak zargarlik san’atini aks ettiradi.

O‘zbekistonning turli hududlaridan tashrif buyurgan oliy ta’lim muassasalari kutubxonachilari Islom sivilizatsiyasi markazida bo‘lib, elektron axborot resurslari, zamonaviy texnik vositalar, ko‘zi ojiz kitobxonlar uchun yaratilgan qulayliklar hamda kitob fondini shakllantirishning o‘ziga xos usullari bilan tanishdilar.

O‘zbekistondagi Islom sivilizatsiyasi markazi huzuridagi Xalqaro xattotlik maktabiga murojaat qilganlar soni 1700 nafardan oshdi. Prezident Shavkat Mirziyoyev tashabbusi bilan tashkil etilgan mazkur maktabda 7 yoshdan 70 yoshgacha bo‘lgan turli avlod vakillari uchun qadimiy xattotlik san’atini bepul o‘rganish imkoniyati yaratilgan.

Mirzo Ulug‘bekning astronomiyaga oid «Ziji Jadidi Ko‘ragoniy» asaridan «Temur tuzuklari»gacha, Qur’oni karimning nodir qo‘lyozmalaridan bolalar uchun yaratilayotgan ma’rifiy kitoblargacha — O‘zbekistondagi Islom sivilizatsiyasi markazida 2026-yil yakuni va 2027-yilda chop etilishi rejalashtirilgan 130 ga yaqin nashr ustida ish olib borilmoqda.