Yangiliklar

Hukumat qarori bilan buyuk tabib va qomusiy olim Abu Ali ibn Sinoning boy ilmiy merosini chuqur o‘rganish, asarlarini keng targ‘ib qilish hamda uning jahon ilm-fani rivojiga qo‘shgan hissasini yanada keng namoyon etish bo‘yicha 2030-yilgacha mo‘ljallangan «Yo‘l xaritasi» tasdiqlandi.

Samarqand viloyatidan 40 dan ortiq imom-xatib O‘zbekistondagi Islom sivilizatsiyasi markaziga tashrif buyurib, uning ilmiy-ma’rifiy faoliyati, tarixiy ekspozitsiyalari va ajdodlarimizdan qolgan boy merosni o‘rganish imkoniyatlari bilan tanishdi.

2026-yil 22-oktabr kuni O‘zbekiston Respublikasi Fanlar akademiyasi va hamkor tashkilotlar tomonidan buyuk qomusiy olim, mutafakkir Abu Ali ibn Sinoning jahon ilmiy va falsafiy tafakkuri rivojidagi beqiyos o‘rniga bag‘ishlangan «Ibn Sino — G‘arb va Sharq falsafiy tafakkurining buyuk namoyandasi» mavzusida xalqaro ilmiy konferensiya o‘tkaziladi.

2026-yil 15–17 oktabr kunlari Moskva shahridagi «ATOM» muzeyida o‘tkazilgan Discover ATOM III xalqaro turizm forumi doirasida O‘zbekistondagi Islom sivilizatsiyasi markazi BRIKS+ ilmiy-texnologik muzeylar alyansiga qo‘shildi.