Yangiliklar

Agar tarix gapira olganida, ehtimol, uning ovozi aynan shu yerdan eshitilardi. Bu yerda eksponatlar sukut saqlamaydi, devorlar faqat tarixni namoyish etmaydi, balki uni qayta jonlantiradi. O‘zbekiston kinoarboblari ijodiy uyushmasi a’zolarining O‘zbekistondagi Islom sivilizatsiyasi markaziga tashrifi oddiy madaniy sayohat emas, balki millat xotirasi bilan yuzma-yuz uchrashuvga aylandi. Mashhur rejissyorlar, aktyorlar va ssenaristlar bir ovozdan e’tirof etganidek, bu yer muzey emas — bu yerda butun bir sivilizatsiya nafas oladi.

Buyuk Britaniyaning tashqi ishlar bo‘yicha sobiq parlament kotibi Rehman Chishti O‘zbekistondagi Islom sivilizatsiyasi markazini o‘tmishni anglash orqali kelajakka yo‘l ochadigan ilmiy bilimlar markazi sifatida baholadi.

Koreya Respublikasi Ichki ishlar va xavfsizlik vaziri Yun Xo-yung O‘zbekistondagi islom sivilizatsiyasi markaziga tashrifida ikki davlat munosabatlarining faqat buguni emas, balki ming yillik o‘tmishi ham borligini tasdiqlovchi noyob dalilga guvoh bo‘ldi.

O‘zbekiston Respublikasi Bosh prokuraturasining 70 nafar faxriysi O‘zbekistondagi Islom sivilizatsiyasi markaziga tashrif buyurib, xalqimiz sivilizatsiyasi, ilmiy merosi va ma’naviy qadriyatlarining ming yillik taraqqiyot yo‘li bilan yaqindan tanishdi. Ekspozitsiyalar, nodir qo‘lyozmalar, zamonaviy texnologiyalar va Yangi O‘zbekiston g‘oyalari uyg‘unlashgan muhit mehmonlarda chuqur taassurot qoldirdi.