Yangiliklar

Dunyoning eng go‘zal muzeylaridan biri deya ta’riflangan O‘zbekistondagi Islom sivilizatsiyasi markaziga tashrif buyurgan “BMT Turizm” bosh kotibi Shayxa Nosir Al Novays boshchiligidagi delegatsiya ekspozitsiyalar va Qur’oni Karim zali bilan tanishib, Prezident Shavkat Mirziyoev g‘oyasi bilan barpo etilgan ma’rifiy madaniy maskanning mazmun-mundarija va badiiy yechimlarini yuqori baholadilar.

O‘zbekistondagi Islom sivilizatsiyasi markazi qariyb 9 yil davomida bunyod etilib, joriy yil Ramazon hayiti arafasida keng jamoatchilik uchun o‘z eshiklarini ochdi. Qisqa fursatda ushbu muhtasham maskan yuksak e’tiroflarga sazovor bo‘lmoqda.

Toshkentda o‘tgan xalqaro kosmik anjuman dasturi doirasida nufuzli xorijiy delegatsiya O‘zbekistondagi Islom sivilizatsiyasi markaziga tashrif buyurib, uni “tarix va zamonaviy texnologiyalar uyg‘unlashgan noyob maskan” sifatida baholadi.

Kuniga minglab mehmonlarni qabul qila boshlagan O‘zbekistondagi Islom sivilizatsiyasi markazi bugun xorijiy delegatsiyalar, ekspertlar va sayyohlarni o‘ziga jalb etayotgan yangi madaniy “magnit” sifatida namoyon bo‘lmoqda.