Хорижий ОАВ биз ҳақимизда

Мисрнинг нуфузли «Ал-Жумҳурия» газетасида Ўзбекистонда ўтаётган I Халқаро Ислом цивилизацияси форуми ҳақида махсус мақола эълон қилинди.

Россиянинг Peterburg News нашри Ўзбекистонда илк бор ўтказиладиган «Ислом цивилизацияси: тинчлик, бағрикенглик ва маърифат йўли» I Халқаро ислом форумини глобал илмий ва маънавий мулоқот учун муҳим майдон сифатида баҳолади. Нашрда таъкидланишича, Самарқанд ва Тошкентда ўтадиган анжуман ислом цивилизациясининг илм-фан, таълим ва маданият тараққиётига қўшган ҳиссасини кенг муҳокама қилиш, шунингдек, тинчлик, бағрикенглик ва халқлар ўртасидаги ҳамкорлик ғояларини илгари суришга хизмат қилади.

Ўзбекистондаги Ислом цивилизацияси маркази ҳақидаги халқаро эътирофлар тобора кенгаймоқда. Хитойнинг дипломатик ва туризмга ихтисослашган “Diplomat” ва “VICTWO” нашрлари ҳамда "Travel&Leisure" журнали ушбу мажмуани Янги Ўзбекистоннинг энг йирик маънавий-маърифий лойиҳаларидан бири сифатида баҳолаб, уни ислом цивилизациясининг инсонпарварлик, илм-фан ва маданий меросини замонавий технологиялар билан уйғунлаштирган ноёб марказ сифатида эътироф этди

Испаниянинг Otralectura нашри Ўзбекистонда амалга оширилаётган Учинчи Ренессанс ғоясини мамлакат тараққиётининг стратегик модели сифатида таҳлил қилиб, унинг марказида Ўзбекистондаги Ислом цивилизацияси маркази турганини таъкидлади.

Мисрнинг етакчи нашрлари — Al Shorouk ва Youm7 Ўзбекистондаги Ислом цивилизацияси маркази директори Фирдавс Абдухолиқовнинг Қоҳирадаги Grand Egyptian Museumда ўтказилган халқаро тақдимотдаги нутқига кенг ўрин ажратди.