Xorijiy OAV biz haqimizda

Nufuzli xalqaro Arab News saytida e’lon qilingan mazkur materialda O‘zbekistondagi Islom sivilizatsiyasi markazining tantanali ochilishi va uning zamonaviy ilmiy-ma’rifiy makon sifatidagi ahamiyati yoritildi. Maqolada Prezident Shavkat Mirziyoyev tomonidan ushbu markazning ilmiy, ma’naviy va ta’limiy taraqqiyot ramzi sifatida baholangani ta’kidlanib, uning boy ekspozitsiyasi, jumladan noyob qo‘lyozmalar va muqaddas relikviyalar hamda xalqaro tashkilotlar ishtirokida shakllanayotgan ilmiy infratuzilmasi global hamjamiyat uchun muhim platforma ekani ilmiy-analitik jihatdan asoslab beriladi.

Nufuzli xalqaro Diplomat Magazine nashrida O‘zbekistondagi Islom sivilizatsiyasi markazi direktori Firdavs Abduxoliqov muallifligida e’lon qilingan mazkur maqolada O‘zbekistondagi Islom sivilizatsiyasi markazi zamonaviy davrda xalqaro hamjamiyat tomonidan e’tirof etilgan megaloyiha sifatida ilmiy-analitik jihatdan yoritiladi. Kirish qismida muallif markazning barpo etilish tarixi, uning konseptual asoslari va global sivilizatsion muloqotni mustahkamlashdagi strategik ahamiyatini tahlil qilib, ushbu tashabbusni Prezident Shavkat Mirziyoevning strategik qarashlari asosida shakllangan yangi gumanitar model sifatida baholaydi.

Toshkent shahridagi Islom sivilizatsiyasi markazining rasmiy ochilish kunida nufuzli xalqaro nashr Forbes tahliliy maqola e’lon qilib, unda O‘zbekiston loyihasini «Evroosiyodagi yangi markaz» deb atadi hamda uning madaniy-diplomatik va geostrategik ahamiyatini ta’kidladi.

The Korea Herald saytida e’lon qilingan maqolada O‘zbekistondagi Islom sivilizatsiyasi markazi Markaziy Osiyo va jahon hamjamiyati uchun muhim intellektual va madaniy tashabbus sifatida baholangan. Unda Prezident Shavkat Mirziyoyev rahbarligida amalga oshirilayotgan mazkur loyiha islom sivilizatsiyasining ilmiy-ma’rifiy merosini tiklash, uning insoniyat taraqqiyotiga qo‘shgan hissasini keng jamoatchilikka yetkazish hamda sivilizatsiyalararo muloqotni mustahkamlashga xizmat qilishi ta’kidlangan.