Xorijiy OAV biz haqimizda

Saudiya Arabistonining yetakchi nashrlaridan biri — Al Watan Birinchi xalqaro Islom sivilizatsiyasi forumini O‘zbekistonning islom merosini zamonaviy taraqqiyot bilan uyg‘unlashtirishga qaratilgan muhim sivilizatsion tashabbusi sifatida baholadi.

Indoneziyaning ijtimoiy-ma’rifiy yo‘nalishdagi Indonesia Inside nashri Jahon musulmonlari ligasi Bosh kotibi shayx Muhammad Al-Issoning Birinchi xalqaro Islom sivilizatsiyasi forumidagi nutqiga keng o‘rin berib, O‘zbekistonni Islom sivilizatsiyasining eng muhim ilmiy va ma’naviy markazlaridan biri sifatida e’tirof etdi.

Germaniyaning siyosiy-tahliliy yo‘nalishdagi “Hauptstadtecho” nashri O‘zbekistonda ilk bor o‘tkazilgan Xalqaro islom sivilizatsiyasi forumini mamlakatning ma’naviy-ma’rifiy taraqqiyoti va xalqaro nufuzini namoyon etgan muhim voqea sifatida e’tirof etdi.

Misrning nufuzli nashrlaridan biri — Al-Ahram gazetasining ingliz tilidagi tahliliy platformasida e’lon qilingan maqolada O‘zbekistondagi Islom sivilizatsiyasi markazi Islom sivilizatsiyasining o‘tmishi va kelajagi haqidagi global mulohazalar uchun muhim maydon sifatida baholanadi.

World News AM xalqaro axborot portali Birinchi xalqaro Islom sivilizatsiyasi forumi yakunlari bo‘yicha qabul qilingan Toshkent deklaratsiyasiga alohida e’tibor qaratib, unda O‘zbekiston tashabbusi bilan islom sivilizatsiyasi merosini o‘rganish, asrash va targ‘ib qilishga qaratilgan o‘nta yirik xalqaro tashabbus ilgari surilganini yoritdi.