Yangiliklar

Condé Nast Traveller nashri O‘zbekistondagi Islom sivilizatsiyasi markazi haqida maqola e’lon qildi. Maqolada ta’kidlanishicha, Toshkentda ochilgan Islom sivilizatsiyasi markazi O‘zbekistonning yangi madaniy ramzi sifatida namoyon bo‘lib, shaharning jahon madaniy xaritasidagi o‘rnini qayta belgilashga xizmat qilmoqda. Maqolada mazkur majmua tarixiy meros, zamonaviy arxitektura va ilg‘or texnologiyalarni uyg‘unlashtirgan holda, o‘tmish va kelajakni bog‘lovchi noyob ma’rifiy makon sifatida baholanadi.

O‘zbekistondagi Islom sivilizatsiyasi markazi Prezident Shavkat Mirziyoyev tashabbusi va qarori asosida tashkil etilgan bo‘lib, qisqa fursatda xalqaro miqyosda e’tirof etilib, o‘zining mahobati va boy mazmuni bilan jahon e’tiborini qozonib kelmoqda.

Birlashgan millatlar tashkiloti Aholishunoslik jamg‘armasi (UNFPA)ning O‘zbekistondagi vakolatxonasi va Misr arab respublikasidagi nufuzli Al Azhar universiteti olimlari hamda professor-o‘qituvchilaridan iborat delegatsiya O‘zbekistondagi Islom sivilizatsiyasi markaziga tashrif buyurdi.