Yangiliklar

«Islom sivilizatsiyasi: yangi nigoh — yangi kashfiyotlar» Xalqaro mediaforumining uchinchi yalpi sessiyasi 26 avgust kuni «Asrlarni birlashtiruvchi meros. Islom sivilizatsiyasining ma’naviy mazmun-mohiyati» mavzusida bo‘lib o‘tmoqda. Sessiyada Qur’on merosi, qadimiy qo‘lyozmalar, xattotlik, hujjatli kino hamda tarixiy manbalarni o‘rganishda sun’iy intellektdan foydalanish masalalari o‘rin olgan.

Germaniyalik ekspert Ketlin Gyobel O‘zbekistonda so‘nggi yillarda iqtisodiy taraqqiyot bilan bir qatorda xalqning ma’naviy farovonligiga ham alohida e’tibor qaratilayotganini ta’kidlab, mamlakat tajribasini tinchlik va barqarorlik izlayotgan davlatlar uchun namuna sifatida baholadi. Uning ta’kidlashicha, Toshkentdagi Islom sivilizatsiyasi markazi ana shu yondashuvning yorqin ramzlaridan biri bo‘lib, u nafaqat tarixiy bilim va hikmatni, balki tinchlik va ma’naviy qadriyatlarni ham targ‘ib qiluvchi muhim maskanga aylangan.